Haustfundur HEÞ var haldinn í Hlíðarbæ 28. nóvember sl. Mjög góð mæting var á fundinn, líklega
um 70 manns. 3 erindi voru flutt, veitt voru verðlaun ræktunarbúi ársins, efstu hryssu og efsta stóð-
hesti. Ferðasjóður Þelamerkurskóla bar fram veglegar kaffiveitingar í boði HEÞ.

Finnur Ingólfsson taldi að aðkoma fjárfesta að hrossaræktarbúum gæti falið í sér ný tækifæri
í hestamennskunni og myndi efla hana sem atvinnugrein. Guðlaugur Antonsson fór yfir sviðið í
hrossaræktinni. Hann kynnti meðal annars tillögur um lágmarkseinkunnir á næsta Landsmóti og hvaða
stóðhestar væru líklegir til þess að ná heiðursverðlaunum og fyrstu verðlaunum fyrir afkvæmi.

 
Anton Páll Níelsson reiðkennari við Hólaskóla flutti fróðlegt erindi um fortamningar þ.e. tamningu
og meðhöndlun folalda og unghrossa þar til þau eru frumtamin.


Hæst dæmda hryssan. Tvær hryssur voru hnífjafnar að þessu sinni, Hrönn frá Búlandi og Þruma frá
Glæsibæ II. Hlutu þær í aðaleinkunn 8,37. Á meðf. mynd eru, talið frá vinstri: Helena og Björgvin
ræktendur Hrannar, þá Kristjana og Ríkarður ræktendur Þrumu.

Hæst dæmdi stóðhesturinn er Aris frá Akureyri.
Ræktandi hans er Sigurður Óskarsson sem hér
tekur við hamingjuóskum frá Vilbergi í Kommu,
varaformanni HEÞ.

Ræktunarbú ársins var Árgerði. Önnur bú sem tilnefnd voru til verðlaunanna eru: Torfunes, Litla-Brekka,
Höskuldsstaðir og Vignir Sigurólason Húsavík. Á myndinni eru (aftari röð frá vinstri): Baldvin Torfunesi, Vignir
Litlu-Brekku, Snæbjörn Höskuldsstöðum og Vignir Húsavík. Fyrir framan stendur svo hinn merki hestamaður
Magni Kjartansson í Árgerði og tekur við verðlaunum. Vilberg varaformaður heldur á forláta klukku sem er farandgripur
ræktunarverðlaunanna.

Texti/VS
Myndir/AGG