Fréttayfirlit frá árinu 2009

GLYMUR VERÐUR Í EYJAFIRÐI
(15. DESEMBER 2009)

Stóðhesturinn Glymur frá Innri-Skeljabrekku verður á Brúnum í
Eyjafjarðarsveit næsta sumar. Um er að ræða langt gangmál frá
Landsmóti og eitthvað fram á haustið. Glymur hlaut fyrir hæfileika
8,67 aðeins 4 vetra gamall sem mun vera hæsta hæfileikaeinkunn sem 4
vetra stóðhestur hefur hlotið. Sjá einnig í flipa hér til hliðar

Stóðhestar 2010
. Mynd:

Jens Einarsson
.




VILMUNDUR FRÁ FETI Í SVARFAÐARDAL
(23.
NÓVEMBER 2009)


Stóðhesturinn Vilmundur frá Feti verður á vegum
Hrossaræktarfélags Svarfdæla seinna gangmál 2010. Vilmundur
er hátt dæmdur stóðhestur (8,56) undan
heiðursverðlaunahrossunum Orra frá Þúfu og Vigdísi frá Feti.
Hann stendur feikna vel í kynbótamatinu með 129 stig og 7
dæmd afkvæmi. Verð er kr. 160.000.- (allt innifalið þ.e.
vsk., sónarskoðun og hólfagjald). Zophonías tekur á móti
pöntunum í síma 892-6905 eða á netfangið 


zophonias@centrum.is . Mynd
er tekin af heimasíðu Fet búsins en þar
má nálgast frekari upplýsingar um hestinn
www.fet.is



ERINDI UM ÁVERKASKRÁNINGU Á HAUSTFUNDI
(16. nóvember 2009)

Hér

má nálgast glærur sem Jónas Vigfússon sýndi með erindi sínum
um áverka á kynbótahrossum 2009.

 


KOMMA ER RÆKTUNARBÚ HEÞ
2009
(16. nóvember
2009)





Haustfundur Hrossaræktarsamtaka
Eyfirðinga og Þingeyinga var haldinn 12, nóvember sl. í
Ljósvetningabúð í Þingeyjarsveit. Titilinn Ræktunarbú ársins
hlaut að þessu sinni Komma í Eyjafjarðarsveit. Að búinu
standa Vilberg Jónsson og Kristín Sigvaldadóttir. Árangur
ársins var virkilega góður og var búið einnig tilnefnt á
landsvísu af Bændasamtökum Ísland. 4 hross voru sýnd í
kynbótadómi og hlutu þau öll fyrstu verðlaun. Efstur þeirra
er stóðhesturinn Kaspar sem hlaut í aðaleinkunn 8,40 og
hefur hann einnig náð góðum árangri á keppnisvellinum. Næst
hæstu einkunn hlaut 4 vetra unghryssan Rauðhetta með 8,11.
Meðaleinkunn sýndra hrossa er 8,16 og meðalaldur er tæplega
6 ár. Komma hefur um árabil komið fram með athyglisverða
gripi sem sýnd hafa verið í kynbótasýningum og á
keppnisvellinum. Vilberg og Kristín eru því vel að þessum
titli komin og fylgja hér hamingjuóskir frá stjórn HEÞ. Á
mynd til vinstri er Vilberg í Kommu hlaðinn viðurkenningum
fyrir ræktunarbúið en hann ræktaði jafnframt efsta stóðhest
í elsta flokki og efstu hryssuna í 4v. flokki. Á mynd til
hægri er fulltrúar þeirra búa sem hlutu tilnefningu. Frá
vinstri talið: Þorsteinn Egilson Grund II, Guðlaugur Arason
Efri-Rauðalæk, Vilberg Jónsson Kommu, Vignir Sigurðsson
Litlu-Brekku og Baldvin Baldvinsson Torfunesi (Myndirnar tók
Rósberg Óttarsson).

Ræktendur efstu
hrossa í hverjum aldursflokki hlutu viðurkenningu: 4v.
hryssur: Rauðhetta frá Kommu (8,11). Ræktandi: Vilberg
Jónsson 5v. hryssur: Krækja frá Efri-Rauðalæk (8,30).
Ræktandi: Guðlaugur Arason 6v. hryssur: Elding frá Torfunesi
(8,18). Ræktandi: Baldvin Baldvinsson 7v.oe. hryssur: Myrkva
frá Torfunesi (8,47). Ræktandi: Baldvin Baldvinsson 4v.
Stóðhestar: Þorri frá Möðrufelli (8,11). Ræktandi: Matthías
Eiðsson 5v. Stóðhestar: Grunnur frá Grund II (8,47).
Ræktandi: Þorsteinn Egilson 6v. stóðhestar: Kiljan frá
Árgerði (8,30). Ræktandi: Magni Kjartansson 7v.oe. stóðh:
Kaspar frá Kommu (8,40). Ræktandi: Vilberg Jónsson.
 


TILNEFND BÚ TIL RÆKTUNARVERÐLAUNA HEÞ

(10. nóvember 2009)

Minnum á haustfund HEÞ sem verður
haldinn í Ljósvetningabúð 12. nóvember nk. kl. 20:30. Á
fundinum verður valið ræktunarbú ársins á félagssvæðinu.
Eftirtalin bú eru tilnefnd:

Efri-Rauðilækur, Grund II, Litla-Brekka, Komma, og Torfunes.

Auk þess hljóta ræktendur efstu hrossa í kynbótadómi
viðurkenningar. Sú nýbreytni verður að veita ræktendum
viðurkenningar fyrir efstu hross í hverjum aldursflokki.
Guðlaugur Antonsson hrossaræktarráðunautur fer yfir sviðið í
hrossaræktinni og Jónas Vigfússon Litla-Dal flytur erindi um
áverkaskráningar kynbótahrossa sumarið 2009. Kaffiveitingar
í boði Samtakanna.
 


HAUSTFUNDUR HEÞ
 
(27. október  2009)


Hinn
árlegi Haustundur HEÞ verður að þessu sinni haldinn í
Ljósvetningabúð 12. nóvember og hefst hann kl. 20:30. Á
fundinum verður valið ræktunarbú ársins á félagssvæðinu, auk
þess sem ræktendur efstu hrossa í kynbótadómi hljóta
viðurkenningar. Sú nýbreytni verður að veita nú
viðurkenningar fyrir efstu hross í hverjum aldursflokki.
Guðlaugur Antonsson hrossaræktarráðunautur fer yfir sviðið í
hrossaræktinni og unnið er að því að fá fleiri áhugaverð
erindi. Verður það auglýst þegar nær dregur. Kaffiveitingar
í boði Samtakanna.

SÍÐSUMARSÝNING Á AKUREYRI
– HOLLASKRÁ (17. ÁGÚST 2009)

Tæp 80 hross eru
skráð á síðsumarsýningu kynbótahrossa á Akureyri. Sýningin
hefst kl. 8:00 miðvikudaginn 19. ágúst. Yfirlitssýningin
hefst svo kl. 10:00 á föstudagsmorgun og verður byrjað á 4
vetra hryssum. Hér má nálgast
HOLLASKRÁ
.

 


SÍÐSUMARSÝNING Á AKUREYRI

(29. júlí  2009)
Kynbótasýning verður haldin á
Hlíðarholtsvelli á Akureyri 19. –  21. ágúst nk. Skráning í Búgarði, í síma
460-4477 eða á netfangið


vignir@bugardur.is
.
Tekið er við skráningum dagana 11. – 13. ágúst. Síðasti
greiðsludagur er 13. ágúst.
Gefa þarf upp
einstaklingsnúmer við skráningu. Sýningargjald er kr.13.500
fyrir fulldæmt hross en kr. 9.000 fyrir hross sem aðeins er
skráð í byggingardóm (eða hæfileikadóm, sjá reglur) .

Hægt er
að greiða í Búgarði. Einnig má leggja inn á reikning
302-13-200861, kt. 490169-1729, og senda kvittun á netfangið

vignir@bugardur.is
 
skýring: nafn á hrossi. Til þess að geta fengið
sýningargjald endurgreitt þarf að tilkynna forföll í síðasta
lagi 17. ágúst .



YFIRLITSSÝNING KYNBÓTAHROSSA

11. júní
2009 KL.14:25


Yfirlitssýning kynbótahrossa á Héraðssýningu á
Melgerðismelum, Náttfaravelli, fer fram föstudaginn 12. júní
og hefst kl. 09:00 á hryssum 4v.
Röð sýningaflokka er eftirtalin:
4v. hryssur
5v. hryssur
6v. hryssur
7v. og eldri hryssur
4v. stóðhestar
5v. stóðhestar
6v. stóðhestar
7v. og eldri stóðhestar



UPPFÆRÐ
HOLLARÖÐUN


8. JÚNÍ KL. 17:26

hollaskrá – smella hér


HÉRAÐSSÝNING Í EYJAFIRÐI

(25. maí 2009)
Kynbótasýning verður haldin á
Melgerðismelum 9.-12. júní nk. Skráning í Búgarði, í síma
460-4477 eða á netfangið


vignir@bugardur.is
.
Tekið er við skráningum dagana 2.- 3. júní. Síðasti
greiðsludagur er 3. júní.
Gefa þarf upp
einstaklingsnúmer við skráningu. Sýningargjald er kr.13.500
fyrir fulldæmt hross en kr. 9.000 fyrir hross sem aðeins er
skráð í byggingardóm (eða hæfileikadóm, sjá reglur) .

Hægt er
að greiða í Búgarði. Einnig má leggja inn á reikning
302-13-200861, kt. 490169-1729, og senda kvittun á netfangið

vignir@bugardur.is
 
skýring: nafn á hrossi. Til þess að geta fengið
sýningargjald endurgreitt þarf að tilkynna forföll í síðasta
lagi 8. júní.

Varðandi
hesthúspláss á svæðinu er vísað á Jónas Vigfússon í gsm
861-8286.


SKRÁ Á SÝNINGU

 



Geisli frá Sælukoti hjá Hrossaræktarfélagi Þingeyinga

(20. maí 2009)

Sjá nánar á link hér til hliðar.

 



VORSÝNING Á DALVÍK – DAGSKRÁ OG HOLLARÖÐUN



(11. maí 2009)


Þá liggur
fyrir dagskrá Vorsýningar á Dalvík. Alls eru 20
hross skráð í sýninguna. Öll hrossin verða dæmd í
einu holli. Dómar hefjast kl. 14:00 á fimmtudag
og yfirlitssýning verður svo föstudag og hefst hún
kl. 9:00. Röð hrossa í sýninguna er eftirfarandi:
 

Nr. Röð hrossa í holli   Sýnandi
1 IS2005156297 Gleypnir
frá Steinnesi
  Tryggvi Björnsson
2 IS2002287614 Gusa frá
Nýjabæ
  Auðbjörn Kristinsson
3 IS2005155119 Erró frá
Lækjamóti
B Guðrún Rut
Hreiðarsdóttir
4 IS2004257807 Gloppa
frá Varmalæk 1
  Tryggvi Björnsson
5 IS2002265253 Jódís frá
Akureyri
  Auðbjörn Kristinsson
6 IS2005166213 Gyllingur
frá Torfunesi
B Baldvin Kr.
Baldvinsson
7 IS2003266630 Hryðja
frá Hrafnsstöðum
  Ríkarður G. Hafdal
7 IS2003155501 Ræll frá
Gauksmýri
  Tryggvi Björnsson
8 IS2004165170
Íslandsblesi frá Dalvík
  Gísli Gíslason
9 IS2002257474 Rut frá
Stóru-Gröf ytri
  Auðbjörn Kristinsson
10 IS2003255062 Samba frá
Miðhópi
  Tryggvi Björnsson
11 IS2001158455 Kvistur
frá Enni
  Sölvi Sigurðarson
12 IS2000265016 Perla frá
Kvíabekk
B Kristín Rós
Hjálmarsdóttir
13 IS2003256331 Sveifla
frá Þingeyrum
  Auðbjörn Kristinsson
14 IS2004256392 Stefna
frá Sauðanesi
  Tryggvi Björnsson
15 IS2005165900 Sleipnir
frá Halldórsstöðum
B Stefán B. Stefánsson
16 IS2005165444 Þór frá
Björgum
B Viðar Bragason
17 IS2006166792 Hamar frá
Stóru-Laugum
B Elín Einarsdóttir
19 IS2000258321 Þota frá
Reykjum
  Auðbjörn Kristinsson
20 IS2003256287 Viola frá
Steinnesi
  Tryggvi Björnsson



VORSÝNING Í EYJAFIRÐI
(4. maí
2009)

Kynbótasýning verður haldin í
Hringsholti, Dalvík 13.-15. maí nk. Skráning í
Búgarði, í síma 460-4477 eða á netfangið

vignir@bugardur.is
. Skráning er hafin en
síðasti skráningar- og greiðsludagur er
föstudagurinn 8. maí . Gefa þarf upp
einstaklingsnúmer við skráningu. Sýningargjald er
kr.13.500 fyrir fulldæmt hross en kr. 9.000 fyrir
hross sem aðeins er skráð í byggingardóm (eða
hæfileikadóm, sjá reglur) . Hægt er að greiða í
Búgarði. Einnig má leggja inn á reikning
302-13-200861, kt. 490169-1729, og senda kvittun á
netfangið vignir@bugardur.is skýring: nafn á hrossi.
Stóðhesta 5v. og eldri þarf að vera búið að
röntgenmynda m.t.t. spatts, ásamt því að taka
DNA-sýni og blóðprufu. Reglur um kynbótasýningar má
nálgast á heimasíðu B.Í.


http://www.bondi.is/Pages/1205
.
Þessi sýning er auglýst með fyrirvara um næga
þátttöku.
                                                                           


SKRÁNING Á VORSÝNINGU


Búgarður –
ráðgjafaþjónusta á Norðausturlandi
Hrossaræktarsamtök Eyfirðinga og Þingeyinga



SÝNINGARÁÆTLUN 2009

(26. mars 2009)



Hér má nálgast
sýningaráætlun vegna kynbótasýninga 2009
.



NÝIR STÓÐHESTAR KOMNIR Á SÍÐUNA 


(26. mars  2009)


Roði,
Blær, Adam, Vaðall, Stáli, Dósent, Máttur, Flipi,
Feldur, Kristall.
Kíkið endilega á linkinn stóðhestar 2009.


RÍKARÐUR HAFDAL
KOSINN FORMAÐUR HEÞ

(19. mars 2009)
Aðalfundur HEÞ var haldinn 17.
mars sl. í Hringsholti Svarfaðardal. Ríkarður G.
Hafdal tamningamaður og hrossabóndi í Glæsibæ II
Hörgárbyggð var kosinn formaður í stað Baldvins Kr.
Baldvinssonar í Torfunesi. Þar sem Ríkarður var
stjórnarmaður fyirir þurfti að kjósa annan mann í
stjórn í hans stað. Nýr maður í stjórn er Bjarni
Páll Vilhjálmsson Húsavík en hann er einnig
nýkjörinn formaður Hrossaræktarfélags
Suður-Þingeyinga. 

 




Feldur
frá Hæli
verður í Svarfaðardal. Sjá link hér til
hliðar.




ÚTTEKT Á HROSSUM FYRIR FÁKA OG FJÖR


(16. mars 2009)




Sunnudaginn 29. mars kl. 14:00 á að taka út topp
kynbótahross, gæðinga, stóðhesta og ræktunarbú fyrir
sýninguna Fákar og Fjör. En fyrir þá sem ekki vita
er Fákar og Fjör hestaveisla sem haldin verður á
Akureyri í reiðhöll Léttis dagana 17. og 18. apríl.




Hestaáhugamenn ættu allir að finna eitthvað við sitt
hæfi á sýningunni en boðið er uppá fjölbreytt og
skemmtileg sýningaratriði auk áhugaverðra
fyrirlestra.
Þeir sem telja sig hafa eitthvað spennandi á sínum
snærum og hafa áhuga á að vera með í þessari
hestaveislu vinsamlegast hafið samband við Friðrik í
síma 896-5309

 

   

 


AÐALFUNDUR HEÞ
(12. mars 2009)

Aðalfundur HEÞ verður haldinn
í Hringsholti Svarfaðardal þriðjudaginn 17. mars og
hefst hann kl. 20:30.

Á dagskrá eru venjuleg aðalfundarstörf.

Stjórn HEÞ leggur fram tillögu um lagabreytingu á 3
gr. um félagsaðild. Auk þess leggur Jónas Vigfússon
fram tillögu að lagabreytingu á 6 gr. um skipun
stjórnar.

Kjósa skal formann HEÞ til næstu þriggja ára.
Núverandi formaður Baldvin Kr. Baldvinsson Torfunesi
gefur ekki kost á sér til endurkjörs.

Einnig skal kjósa tvo varamenn til eins árs. Þeir
eru nú Þorvar Þorsteinsson og Auðbjörn Kristinsson.

Kjósa skal skoðunarmenn reikninga og einn til vara
til tveggja ára. Þeir eru nú: Rafn Arnbjörnsson og
Jósavin Gunnarsson og til vara Þorvaldur Hreinsson.

Allir félagar hafa seturétt, málfrelsi og
tillögurétt á aðalfundi. Atkvæðisrétt hafa
stjórnarmenn samtakanna, formenn deilda og að auki
einn fulltrúi fyrir 1-20 félaga, 2 fulltrúa fyrir
21-40 félaga o.s.frv


Félagsmenn eru hvattir til að mæta og taka þátt í
málefnum félagins.
Stjórn HEÞ
 

HROSSARÆKTARFUNDUR Í
HLÍÐARBÆ
(24. febrúar 2009)

Árviss fundur með
Guðlaugi Antonssyni Hrossaræktarráðunaut og Kristni
Guðnasyni formanni Félags
Hrossabænda verður haldinn í Hlíðarbæ miðvikudaginn 4. mars
og hefst hann kl. 20:30.



MARKÚS OG FLÓTTI KOMNIR Á STÓÐHESTSÍÐUNA


(18.febrúar 2009) 
Sjá
nánar hér til hliðar á stóðhestar 2009.



JÓN ELVAR Á HRAFNAGILI KAUPIR 1/6 HLUT Í HRYM FRÁ
HOFI

(17.
febrúar 2009)

   



Hrossaræktarsamtök Eyfirðinga og Þingeyinga hafa
selt 1/6 hlut í stóðhestinum Hrym frá Hofi. Fyrir
áttu Samtökin þriðjungshlut. Kaupandi hlutarins er
Jón Elvar Hjörleifsson kúabóndi og hrossaræktandi að
Hrafnagili í Eyjafjarðarsveit. Hrymur er glæsilegur
klárhestur með tölti. Hann var sýndur árið 2002 og
hlaut þá í aðaleinkunn 8,20. 3 hross undan honum
hafa verið sýnd til fyrstu verðlauna. Allmörg tryppi
eru nú í tamningu og þjálfun hér á svæðinu og verður
spennandi að fylgjast með framgangi þeirra í vor og
sumar. Mynd til hægri er tekin í dag við undirritun
kaupsamnings. Frá vinstri talið: Zophonías
Jónmundsson gjaldkeri, Jón Elvar Hjörleifsson og
Baldvin Kr. Baldvinsson formaður.

AÐALL,
MOLI OG ÞORRI AUGLÝSTIR TIL NOTKUNAR

(17.
febrúar 2009)
Nánari
upplýsingar hér.


FOLALDASÝNING – UNGFOLASÝNING – SÖLUSÝNING

(27. janúar 2009)

Laugardaginn 31. janúar verður
mikið um að vera í reiðhöllinni á Akureyri. Um morguninn kl. 11:00
verður forskoðun á folöldum hérna á Akureyrarsvæðinu. Valin
verða folöld til að keppa í úrvalsýningu sem hefst sama dag
kl. 13:30. En þá verður úrvalssýning á verðlauna folöldum
frá Létti og aðildafélögum HEÞ.  Einnig verður
ungfolakynning á eftir folaldasýningunni. Aðgangseyrir er
500 kr. en frítt er fyrir 13 ára og yngri. Í kjölfarið
verður haldin sölusýning sem reikna má með að hefjist um kl.
15:30. Skráningargjald á sölusýninguna er 2000 kr. 


Skránig fyrir
forkoðun folalda og á sölusýningu fer fram á heimasíðu
Léttis. Síðasti skráningardagur er


miðvikudagurinn 28. janúar
.