HEÞ tekur þátt markaðsátaki

Hrossaræktarsamtök Eyfirðinga og Þingeyinga taka þátt í verkefninu „Horses of Iceland”.
Á seinasta aðalfundi HEÞ var samþykkt að taka þátt í markaðsátakinu Horses of Iceland.
Átakið er stórt átaksverkefni um kynningu á íslenska hestinum um heim allan með aðkomu ríkisins.
Íslandsstofa heldur utan um verkefnið. Fylgist með verkefninu á vef átaksins http://www.horsesoficeland.is/

Fundur um framtíðarfyrirkomulag HEÞ

Boðað er til fundar til að ræða um framtíðarfyrirkomulag HEÞ.
Sigríkur Jónsson formaður Hrossaræktarsamtaka Suðurlands mætir á fundinn og segir frá starfsemi sinna samtaka en þau byggja á einstaklingsaðild en eru ekki samtök aðildarfélaga eins og HEÞ.
Fundurinn verður haldinn í reiðhöllinni á Akureyri þriðjudaginn 14. mars kl. 20.
Fundurinn er öllum opinn og eru félagsmenn sérstaklega hvattir til að mæta og skiptast á skoðunum.

Árleg fundaherferð um málefni hestamanna

Almennur fundur í fundaröð Félags hrossabænda og Fagráðs í hrossarækt um málefni hestamanna verður haldinn í reiðhöllinni á Akureyri fimmtudaginn 2. mars kl. 20.
Helstu málefni sem tekin verða fyrir á fundunum eru m.a. eftirfarandi:

  • Félagskerfi Félags hrossabænda
  • Markaðsmál
  • Þróun ræktunarmarkmiðs í hrossarækt og dómskala
  • Nýjungar í skýrsluhaldinu
  • Nýjungar í kynbótadómum

Eins og sjá má verður margt áhugavert á döfinni.
Með fulltrúum Félags hrossabænda og fagráðs, þeim Sveini Steinarssyni formanni Félags hrossabænda og fagráðs og Þorvaldi Kristjánssyni, ábyrgðarmanni í hrossarækt verður fulltrúi Landssambands hestamannafélaga og munu þau verða frummælendur fundanna.

Félagsmenn í H.E.Þ., hrossaræktendur og aðrir hestamenn eru hvattir til að fjölmenna á fundina og nýta tækifærið til að kynna sér verkefnin og leggja sitt til málanna.

Haustfundur HEÞ

Boðað er til fundar til að ræða um framtíðarfyrirkomulag HEÞ. Sigríkur Jónsson formaður Hrossaræktarsamtaka Suðurlands mætir á fundinn og segir frá starfsemi sinna samtaka en samtökin byggja á einstaklingaðild en ekki er ekki samtök félaga eins og hjá Hrossaræktarsamtökum Eyfirðinga og Þingeyinga.
Fundurinn verður haldinn í Búgarði, Óseyri 2 á Akureyri, miðvikudaginn 19. október kl. 20.
Fundurinn er öllum opinn og eru félagsmenn sérstaklega hvattir til að mæta og skiptast á skoðunum.
Stjórnin

Markaðssetning á Landsmóti

Félag hrossabænda verður með aðstöðu á Hestatorginu og býður félagsmönnum sínum að koma með bæklinga og nafnspjöld til að láta liggja frammi á básnum.

Vinsamlegast hafið samband við Hallveigu Fróðadóttur fyrir miðvikudaginn 22.júní ef þið hafið áhuga á að nýta ykkur þennan möguleika, svo hægt verði að útvega standa og statíf við hæfi.

Félag hrossabænda – The Horse Breeders Association
Bændahöllinni við Hagatorg
107 Reykjavík
Sími: 563-0300
fhb@fhb.is

Kolskeggur frá Kjarnholtum á vegum HEÞ eftir landsmót

Kolskeggur frá Kjarnholtum I verður til afnota hjá Hrossaræktarsamtökum Eyfirðinga og Þingeyinga í einu löngu gangmáli eftir Landsmót.
Kolskeggur er með 8,73 í aðaleinkunn 2016, 8,66 fyrir byggingu og 8,77 fyrir hæfileika fyrir Landsmót. Nú þegar hefur komið fram 1 dæmt afkvæmi undan honum, Katla frá Kjarnholtum I, með 8,00 í aðaleinkunn 5 vetra.

Kolskeggur Kjarnholtum

Kolskeggur Kjarnholtum

Kolskeggur hefur hlotið þrjár 9,5, fyrir höfuð, samræmi og skeið, og fjórar 9,00, fyrir háls og herðar, bak og lend, tölt og vilja og geðslag.
Kolskeggur verður í girðingu að Höskuldsstöðum í Eyjafirði og er verð fyrir fengna hryssu kr. 160.000- með vsk., girðingargjaldi og einni sónarskoðun.

Tekið er á móti pöntunum á tölvupóstfangið jonas.vigfusson@gmail.com eða hjá Jónasi í síma 861 8286.

Katla Kjarnholtum

Katla Kjarnholtum

Konsert Kjarnholtum

Konsert Kjarnholtum

Ungfolaskoðun og DNA sýnataka

Boðið verður upp á ungfolaskoðanir og DNA-sýnatöku úr hrossum á Norðurlandi í næstu viku. Þorvaldur Kristjánsson, ábyrgðarmaður hrossaræktar, verður á ferðinni á eftirtöldum svæðum:

Skagafjörður – miðvikudagurinn 27. apríl.

Eyjafjörður- og Þingeyjarsýslur – fimmtudagurinn 28. apríl.

Húnavatnssýslur – föstudagurinn 29. apríl.

Tekið er á móti pöntunum og nánari upplýsingar gefnar í síma 892-9690 eða á netfanginu: thk@rml.is. Pantanir þurfa að berast í síðasta lagi mánudaginn 25. apríl.

Átaksverkefnið horses of Iceland

Nú er undirbúningur fyrir markaðsverkefnið Horses of Iceland komið á lokastig og verður fyrsti fundur með þátttakendum haldinn miðvikudaginn 20. apríl að Hótel Sögu í fundarsalnum Kötlu á 2.hæð. Hefst fundurinn kl 13:00 og stendur til 15:00.

brandmyndir

Allvel hefur gengið að afla stuðnings við verkefnið en eins og kynnt hefur verið fáum við framlag frá ríkinu allt að 25.000.000 árlega næstu 4. árin gegn því að hagsmunaaðilar leggi til jafn háa fjárhæð á móti, sem sagt króna á móti krónu. Það er mikilvægt að við fjármögnum okkar hluta að fullu þannig að verkefnið geti stundað öflugt starf í kynningu á öllu sem tengist Íslenska hestinum.

Markaðsverkefnið Horses of Iceland er og verður lifandi verkefni og mun taka breytingum í verkefnavali eftir því sem reynslan kennir okkur. Þeir sem taka þátt í verkefninu verða því mikilvægir í að móta áherslur verkefnisins sem og við að fjármagna verkefnið. Núna getum við öll sem höfum hagsmuni af íslenska hestinum sameinast í kynna hestinn okkur til framdráttar og virðisauka.

Þessi fundur er opin öllu þeim sem verða þátttakendur í verkefninu. Vertu með!

Hér má nálgast samning til að taka þátt í verkefninu og hér er upplýsingablað um ávinninginn.